有冇諗過打劍都可以有機會體驗外國生活?
最近，劍擊日記收到一間位於美國南加州嘅擊劍會一名香港的劍擊教練的委託，為了希望擴大其業務，他們希望在香港尋找合適的花劍教練到美國協助喺州外比賽時提供場邊教練指導，該劍會現在專為7至18歲嘅劍手提供服務，幫佢哋成長同發展佢哋嘅擊劍技巧。
主要工作時間喺星期一至星期五下午3點至晚上8點30分，星期六上午9點至下午1點。揀中嘅教練會要求喺州外比賽時提供場邊教練。為咗確保合適嘅人選，合適的應徵教練會被邀請喺簽約前到位於美國的劍會逗留3至5日，積極參與佢哋嘅課程。而參與佢哋嘅課程呢段時間，該劍會會負責所有旅遊同住宿嘅費用。
該劍會十分重視員工嘅福利同健康，佢哋除咗會提供醫療保險之外，佢哋亦會為合適的教練準備贊助所需嘅工作簽證。在建立長遠嘅合作關係的情況下，佢哋亦會考慮如何為合適的教練探索獲取綠卡嘅途徑。
聽落係咪有啲心動呢? 但係要有啲咩要求先? 唔洗心急, 等我慢慢講。要求有3樣: 1. 持有香港劍擊總會花劍教練的資格; 2. 最少有3年嘅教練經驗; 3. 特別希望應徵者對海外劍擊比賽熟悉，最好係參與過海外比賽並在劍擊生涯中獲獎項。
至於薪酬方面，會進行個別協商，考慮候選人嘅資歷、經驗同其他相關因素，確保俾合理嘅待遇。
有興趣嘅教練們，可以把相關CV傳送到fencingdiary@gmail.com，標題請註明: Overseas Foil Fencing Coach (Your Name)
註: 劍擊日記只負責提供一個平台，讓更多在香港的劍手、教練得到發展，從而推動劍擊運動在香港的普及性。你/妳們的資料將會被直接轉發給相關劍會的負責人，我們不能確保你/妳的資料的安全性，劍擊日記亦不會為此負上任何責任，應徵者亦同意不會作出任何追究。在你/妳們確定把簡歷傳送給我們的同時，代表你/妳接受以上聲明。
