top of page

9個應付"高"手你不可不知的策略


圖片來源: (Reddit)

相信大家喺比賽當中都會遇上唔少比自己高大嘅對手,如果你係越級挑戰就更加唔駛講。喺同齡組別比賽通常意味著您嘅對手同您嘅身高大致差唔多(就一般來說)。但係,當遇到比您高成個頭嘅劍手亦好常發生,呢個時候,您可能就要面對一系列心理和技巧上嘅挑戰。要同高高在上嘅劍手較量,您需要重新考慮您的策略。

小朋友往往可以從學習如點樣同比佢哋高好多嘅對手進行劍擊比賽中受益,因為在發育期快速增長嘅階段,就算兩個年齡在一兩歲之內,甚至在同樣嘅年齡,身高都可以有好大嘅差別。此外,年輕嘅劍手好容易比與自己更高嘅對手所嚇倒,令佢哋唔清楚喺呢種情況下佢哋應該要點樣應付。
以下係有關點樣應付比自己更高嘅劍手嘅九個技巧。希望對各小劍手有所啟發。如果大家有任何意見,歡迎留言一齊討論研究吓。
1.反攻
計畫好你嘅進攻來對抗對手嘅攻擊。你需要在一個合適嘅時機拉開彼此之間嘅距離,然後你就可以部署喺佢哋向前進行弓步時利用這個機會作出反攻,令對手的劍因在不當的距離穿過你的目標範圍。大多數較高的劍手都知道佢哋有伸手可及嘅優勢,並會試圖直接利用這優勢作較遠距離嘅攻擊。佢哋通常唔希望你有足夠嘅勇氣上前避開佢哋嘅攻擊,然後反擊他們!
2.讓更高的擊劍手為你走多幾步
如果你嘅對手比你高好多,咁樣佢哋喺遠距離移動時消耗嘅能量相對會比你需要嘅少得多。通常情況下,較矮小嘅劍手就算喺唔需要嘅時候都會非常努力地上前拉近彼此嘅距離。放慢你嘅步伐,等你嘅對手嚟搵你,節省你嘅能量進行攻擊吧。
3. 增強你嘅耐力
正如我喺上面#2 中提到,就算係相同嘅距離,較高嘅劍手比起較矮小嘅劍手,要用嘅體力都會少啲。例如,同一個距離,較矮小嘅劍手可能要行3步,但較高嘅劍手可能2步就已經到。如果你係個較矮小嘅劍手,做多啲有氧運動(例如: 跑步) 嚟增強你嘅耐力,咁樣你就可以有足夠嘅耐力同體能嚟應付更高嘅對手了。訓練好你嘅耐力同體能,不論係應付比你高定係比你矮小嘅對手都一樣會有好大幫助!
4. 提高你的速度
速度係提高你對抗更高競爭對手嘅能力嘅一個重要關鍵。作為一個劍手,速度無可置疑一定係取勝嘅重要嘅關鍵之一,以至於可以令你嘅對手喺你發動進攻時做唔切反應。為咗有更好的速度和爆炸力,您需要專注於訓練你嘅反應同加強腿部肌肉,因為如果冇強大嘅腿部肌肉,你就無辦法足夠快作出呢啲攻擊。
5. 專注於埋身攻擊
當你與對手在一個好近嘅距離之下,你嘅優勢將會更明顯,因為對手會因手長嘅關係,相比你之下,需要更多嘅空間作出攻擊。喺重劍同花劍當中,都是要以劍尖剌中先能得分。咁意味著劍手嘅手臂越長,如果你哋之間嘅距離越近,佢擊中你嘅難度就越大。如果你同一個比你高好多嘅對手比賽,近距離會對你更有利!呢個係同比自己更高嘅劍手比賽嘅經典策略。
6. 發揮你的優勢
通常手臂較長嘅擊劍手都會將得分放喺佢哋嘅優勢上,即遠距離攻擊,導致相對佢哋喺手上動作同控制劍上都會較弱少少,而較矮小嘅劍手就可以利用呢個弱點來發揮自己嘅優勢。較矮小嘅劍手可以利用更好嘅手上動作和劍嘅操控,作出更快更精準嘅還擊。好似速度同耐力一樣,呢個係對於較矮小嘅劍手可以通過專注訓練嚟提高嘅優勢。
7. 大量移動
較高嘅擊劍手通常習慣同對手保持距離—佢哋幾乎總係能夠控制比賽嘅節奏。你可以通過大膽及快速地跑令佢哋措手不及,同埋令佢哋在距離上犯錯。這當然都係你準備埋身博劍或打近距離嘅完美方式。喺比賽中,盡可能保持雙腳移動,唔好比佢哋喺比賽中搵到自己嘅節奏。快慢節奏、大小步伐、假動作、改變方向、快速進出等等。唔好比佢哋控制你嘅節奏,你會發現你可以更輕鬆地擊敗佢哋。
8. 攻擊失敗後別只顧逃走
當你同一個比你更高嘅對手比賽時,如果你打唔中目標然後諗住後退,通常你就正中下懷了。基本上你係比緊機會佢哋利用佢哋嘅長距離進行反擊。相反,你可以選擇進行補劍、延續、埋身等作出進攻。再次強調,當面對比你較高嘅劍手時,請確保你意識到自己嘅距離,你出劍所需要嘅空間一定係比佢哋少的,拉遠距離只會對你不利。
9. 改善你的弓步
通常,你嘅弓步可以打到嘅範圍都比你想像中嘅遠,而較矮小嘅劍手通常可以通過改善弓步嚟打出更遠嘅距離。搵你嘅教練討論吓點樣通過更好嘅實戰姿勢或者喺弓步時改變步法嚟增加攻擊距離。

對於較高嘅劍擊運動員嚟講嘅一個現實係,佢哋往往過於依賴自己嘅身高。透過身高而獲得嘅分數相對容易,因此佢哋唔需要好似一啲較矮小嘅劍手咁努力地練習技術亦有不錯嘅成績。只要使用正確合適嘅技術,你都可以戰勝任何對手!加油!! 共勉之!

最後,唔想錯過劍擊日記嘅內容,快啲註冊成為我們會員、LIKE我哋嘅FACEBOOK 專頁、INSTAGRAM,敬請留意!!
197 次查看0 則留言

Comments


文章: Blog2_Post
bottom of page