(圖片來源：Academy of fencing masters)
唔知作為父母嘅您，有冇試過在子女劍擊比賽中，明明以為是自己子女得分卻發現最後是對方得分呢？有冇試過想跟子女一齊去學習劍擊但又怕自己應付唔嚟呢項需要體能要求極高嘅運動呢？有冇諗過如果自己都清楚劍擊比賽規例就好呢？ 如果您有以上嘅諗法，咁以下嘅消息您絕對要睇埋落去。
由香港劍擊總會舉辦嘅2021-22 年劍擊裁判課程已經正式接受報名喇！不論您係想認識花劍、佩劍或是重劍嘅比賽規例，統統都有得報！但喺報名之前，有幾點您須要知道：
注意事項 ：
參加資格 ： 2021 年劍總個人會員；年滿 18 歲及對本地劍擊比賽有基本認識。
如果您唔係會員，可以連同劍擊裁判課程報名表和2021 年個人會員申請表一同申請。表格小編已經放咗喺下面嘅連結。
截止日期 ： 2021 年 12 月 2 日（星期四）。
一. 課程內容以中文為主；講授語言以廣東話輔以英語。
二. 學員必須出席所有課程（包括一般技術規則及有關專項技術規則）及考試
三. 不接受電話、傳真及電郵報名。
四. 取錄名單將於 12 月 7 日或之前於劍總網頁上公布。
五. 任何情況下，已入選者之報名費將不能退款或轉作其他用途。
課程主要以Zoom形式授課，並設有一般技術規則筆試和實習試。成功完成課程，話唔定您都有機會成為劍擊比賽嘅裁判架！
溫馨提示：
記得望清楚個上課時段自己有冇時間先好報名啊！
Comments