top of page

一吋長,一吋強?

已更新:2021年10月26日


圖片來源: (academyoffencingmasters.com)

在學習劍擊的旅程中,對於劍擊嘅新手來講,喺在面對唔同長度的劍條時,都會遇過唔知該如何選擇和感到困惑。喺兒童學習劍擊的初時(多數以花劍學先,本文章就以花劍劍條作例),#0 號劍基本上是必然的選擇,但到底又該何時才改用其他號數的劍條呢? 如內容有不當之處請各位多多包涵及分享意見。

劍條的號數係咩意思
在國內,比賽分成人劍(5#劍)和兒童劍(0#劍),這兩種劍條嘅劍頭和安裝手柄嘅螺紋係一樣的,只係長短有別。但有一點要提醒一下,從國外買劍條,劍條安裝喺唔同嘅手柄上(手柄分為槍柄和直柄),劍條下面嘅螺杆長度會唔同的,直柄劍條嘅螺杆比槍柄劍條長,長咗可以斬短,但短咗就麻煩了,重劍槍柄和直柄都有,而花劍就比較少人用直柄。一般需要根據手柄嘅安裝長度來斬短,普通鋼鋸就可以鋸得到,如果多的話,用電鋸比較方便。

劍條長度依照2.5厘米 (約一吋) 一個號數,#5 劍最長90厘米,依次序 #4、#3、#2、#1、#0 遞減,中國國內只會用#5和#0,到U14以後都用#5劍。在外國則會使用 #2、#3 劍作為過渡,令小朋友出去打比賽前較易適應#5 劍的要求。雖然話"一吋長、一吋強",但額外的長度亦意味著重量嘅増加。

通常,小朋友通常超出 U10,就會須要慢慢轉用#5 號劍比賽。但都唔係一定嘅,就如嚟緊嘅 "中銀青少年發展計劃 港九小學分區劍擊比賽" ,章程就例明 "各個項目參賽者均可使用 #5 號(成人劍)或 #0 號(兒童劍)之電動劍作賽。"

大多數父母都知道在不同組別的比賽中要使用#5 或#0 劍,但通常不知道幾時候應該買比小朋友用,又或不知道#2、#3、#4 劍嘅存在。

點解要咁介意劍條嘅長度
雖然對於小朋友嚟講似乎望上去分別不大,但實際上分別非常大。
首先,劍條嘅長度直接影響劍身的重量。如果只係攞一時三刻可能唔多覺當中的分別,但長時間使用(而家一些大型比賽,分分鐘要打足大半天),進行訓練或比賽就肯定辛苦得多了。而如果當劍身變得對於小朋友的來說太重時,往往您就會發現他們的姿勢、技術、體能都會變得不一樣了。另一個需要考慮的事情係,越長的劍會更難以控制和操縱,準確度便會大打折扣。聽上去,咁用#0號劍咪好好哋囉! 一吋半吋真係有咁重要咩? 個弓步踢大啲,隻手伸長啲都得架嘛!


圖片來源: (Ningbo China)

一吋真係有咁重要咩?
小篇只能講,一吋嘅分別就係"中"同"唔中"咁簡單。而且,除咗劍身嘅長度外,要知道每個劍手的高度,手嘅長度都唔一樣,特別對於身型較細小嘅劍手,能夠準確地運用到一把#5號劍,絕對係重要的一欄。(當然,當小朋友大家都能使用#5號劍時,就要看誰能較快適應從#0號劍到使用#5號劍作賽了。) 正正為了令小朋友更易適應未來可使用#5號劍的比賽,在小朋友能穩定掌握#0號劍的使用後,建議大約在8-9歲可以購買#2號劍比小朋友過渡適應,咁樣小朋友就唔會因為突然由#0號劍轉#5號劍而感到太大嘅不適感。

希望呢篇文章幫到家長們了解應該幾時比小朋友開始為使用#5號劍比賽作準備。但都係嗰句,喺劍擊呢個旅程當中,父母嘅支持固然重要,但喺劍擊嘅學習或問題上,一定要諮詢你的劍擊教練啊!如內容有不當之處請各位多多包涵及分享意見。


唔想錯過劍擊日記嘅內容,快啲註冊成為我們會員、LIKE我哋嘅FACEBOOK 專頁、INSTAGRAM,敬請留意!!
195 次查看2 則留言

最新文章

查看全部

2 Comments


Unknown member
Oct 22, 2021

請問劍條的軟硬度,對學習劍擊有咩影響?通常見到劍條比較軟都會比較貴 。謝謝🙏

Like
Unknown member
Oct 22, 2021
Replying to

劍擊劍條嘅軟硬度不同,劍條的特性亦有所不同,例如較硬的劍條不易彎曲,適宜打造重劍,因為重劍講究技巧和準確;而較軟的劍條劍身較易彎曲,而且較輕,較適宜佩劍,因為佩劍講究劍擊的速度和靈敏等。

  

花劍和佩劍相比較重劍的重量多數較輕 ,其中佩劍劍長較短 ,劍身輕,劍條在選擇上會選擇較軟的,因為佩劍在比賽中講究速度,劍身要求柔軟易彎曲; 花劍則在比賽中講究運動性,劍身在選擇上硬度適中,彎曲程度也較為適中的劍條。


(佩劍: 重量不超過500克;而劍身的長度不超過88厘米,橫斷面近似長方形。劍身較硬和不易彎曲,護手格呈月牙形。)

(花劍全長 110cm,重量不超 500 克;劍身長 90cm,橫斷面成矩形;護手呈圓形,較銳劍護手較小,其直徑於 9.5cm12cm 之間)

重劍:全長不超過110厘米,重量不超過770克。 劍身為鋼製,長度不超過90厘米,橫截面為三棱形,劍身的寬面最大為2.4毫米。)


另外,一些劍條會在劍條上印有FIE的標誌,這意味著劍條是經過測試符合FIE規範的物理特性,一般價格比起沒有FIE標誌的貴。



Like
文章: Blog2_Post
bottom of page