由元朗區體育會主辦，亞洲劍擊學院協辦以及元朗民政事務處贊助嘅元朗青少年劍擊賽 2021將於嚟緊嘅星期日舉行，中籤名單 小編之前已經喺我哋嘅劍擊日記、facebook 專頁已經轉載過，但唔知大家有冇留意佢哋嘅賽程表呢？小編喺度有幾點想提醒各參賽運動員及家長，要留意返：
１。參賽者必須於報到時間內親身到報到處報到，逾時報到之參賽者將會被取消參賽資格。
２。賽事依照國際劍擊聯會(F.I.E.)現行之比賽規則進行。雖然唔知道係咪真係會跟足，但根據【香港公開劍擊錦標賽】要求（佢都係話跟國際劍擊聯會規則），參賽者必須自備全套個人劍擊裝備。面罩及劍擊服的最低要求必須符合國際標準 EN13567:2002 及其抗穿透力測試達 350 牛頓，面罩必須擁有兩個獨立的安全設置，並必須穿著符合國際劍撃聯會認可之 800 牛頓內穿護甲，14 歲以下參賽者必須加穿「膠護胸」。係800N單袖衣啊！
３。比賽由最早8:45am開始報到，最遲4:00pm，但係所有獎項將於當日比賽完結後舉行頒獎典禮，得獎者須於 6:00pm 到召集區等候領獎。如果係打朝早嘅，真係返屋企食個飯瞓個覺再返去都得😅
４。最後，每名參加者只可有兩名人士陪同，包括教練及家長。
